Um okkur

Minningarsjóður Einars Darra stendur fyrir þjóðarátakinu ÉG Á BARA EITT LÍF og fræðslu og forvarnar verkefninu EITT LÍF

Allt starf er unnið með kærleika, samkennd, valdeflingu og samstöðu að vopni, forðast er reiði og reynt að sjá það jákvæða í öllu en þó er varpað ljósi á hvar og hvernig talið er að þurfi að bæta í, til að hægt sé að vinna í átt að bættri velferð þjóðarinnar, með áherslu á ungmenni.

Starfið er þverpólitísk enda er um þverpólitískt málefni að ræða, ekki er unnið eftir ákveðnum trúarbrögðum og gætir það ekki hagsmuna frá öðrum stofnunum, hvorki einkareknum né stofnana sem rekin eru innan ríkis eða sveita. Forsvarsmenn vinna þó í samstarfi við hina ýmsu aðila, samtök og stofnanir sem vinna gott starf, enginn greinamunur er þar gerður hvaðan gott kemur. Samstaða og samvinna er lykilatriði.

Markmið

  • – Sporna við og draga úr misnotkun ávana og fíkniefna, sér í lagi meðal ungmenna.

  • – Auka umræðu og þekkingu á eðli og umfangi misnotkunnar á ávana og fíkniefnum.

  • – Stuðla að samstöðu og jákvæðum framförum í málefnum sem varða og/eða tengjast málaflokkinum

Forsaga

Dýrmæti og yndislegi Einar Darri lést þann 25 maí 2018 vegna lyfjaeitrunar. Hann var einungis 18 ára þegar hann lést og hafði litla sem enga sögu um misnotkun á lyfseðilsskyldum lyfjum og/eða öðrum fíkniefnum að baki og því kom andlát hans fjölskyldunni algjörlega í opna skjöldu. Eftir að hann lést var ákveðið, af fjölskyldu og vinum Einars Darra, að stofna minningarsjóð í hans nafni til að hjálpa ungmennum í fíknivanda. Í kjölfarið stóð Minningarsjóður Einars Darra fyrir þjóðarátakinu Ég á bara eitt líf sem hafði það markmið að sporna við og draga úr misnotkun ávana og fíkniefna, sér í lagi meðal ungmenna á Íslandi. Innan þjóðarátaksins var unnið að ýmsum vitundarvakningar verkefnum, samstarfsverkefnum og styrktarverkefnum sem öll stuðla að markmiðum átaksins með einum eða öðrum hætti, með þá von að geta bjargað öðrum fjölskyldum og vinum frá þeim missi sem forsvarsmenn sjóðsins hafa upplifað.

Í ágúst 2019 var ákveðið að leggja áherslu á þróun og framkvæmd á nýju fræðslu og forvarnaverkefni fyrir börn og ungmenni, foreldra og starfsfólk sem vinnur með börnum og ungmennum. Þetta tiltekna verkefni er undir nafninu

Okkar teymi

Við í innsta hring teymisins, erum hluti af fjölskyldu og vinum Einars Darra sem í upphafi stofnuðum Minningarsjóð Einars Darra í kjölfarið á andláti hans sem síðar stóð fyrir þjóðarátakinu Ég á bara eitt líf  og fræðslu og forvarnar verkefninu Eitt líf

Bára Tómasdóttir

Forstjóri

Leikskólakennaramenntun. 30 ára reynsla í starfi með börnum og fjölskyldum þeirra, þar á meðal sem leikskólastjóri.Situr í sveitastjórn Hvalfjarðarsveitar.

Andrea Ýr Arnarsdóttir ​

Framkvæmdarstjóri

Mastersnemi við Háskólann á Akureyri í Heilbrigðisvísindum með áherslu á geðheilbrigði og þar af sérhæfing í misnotkun á lyfseðilsskyldum lyfjum. Grunnmenntun í sálfræði.

Aníta Rún Óskarsdóttir

Fyrirlesari, Verktaki

Félagsráðgjafanemi við Háskóla Íslands.

Kristján Ernir Björgvinsson

Fyrirlesari, verktaki

Kvikmyndaframleiðandi

Unnur Ýr Guðráðsdóttir

Tæknistjóri, Verktaki

Viðskiptastjóri í Ölgerðini. Með BS-gráðu í Iðnaðarverkfræði úr Háskóla Íslands.

 

Sigrún Bára Gautadóttir

Verktaki

Leiðbeinandi á leikskóla og naglafræðingur

Óskar V. Krisjánsson

Í stjórn

Iðnaðarmaður